| Co
auspicio da Dirección
Xeral de Comunicación Audiovisual da Xunta de Galicia, reeditamos
os orixinais de Lume Novo. Deste folleto, realizado en forma de díptico
saíron vinteseis números, que eran espallados en todas as
institucións e a persoalidades galegas de Bs. As.
Lume Novo tiña como obxectivo rescatar o pensamento de galeguistas
ilustres e evitar que caesen na escuridade do esquecemento.
Este proxecto foi realizado por tres galeguistas que preferían
manter o anonimato porque pensaban que para loitar por Galicia non facía
falta nomes, abondaba coas ideas, o compromiso e a convicción.
Os responsábeis de Lume Novo foron Manuel Cordeiro Monteagudo,
que asinaba co pseudónimo de O Carrizo -alcume que lle puxera Suarez
Picallo-; Victoria Besada, que asinaba como Carmen Fontaíña
Alonso (nome da sua bisavoa) e o seu irmán Alberto Besado, O Táboas
(alcume do seu bisavó).
Eles mesmos financiaron o proxecto, ademáis de editar tarxetas
con frases de Vicente Risco, Concepción Arenal e un volante que
dicía “Fale Galego”, que era repartido mesa por mesa
en todos os banquetes.
¿De
qué morte morréu a nosa prenda?
Atravesoume o peito
un dór punxente e esguío de saieta
e díxelle a verdade crú, tinguindo
c'unha pinga de sangue cada verba:
¡Morréu do mal dos bós e xenerosos!
¡Morréu de amor a Terra!
Ramón
Cabanillas
Para
se comunicar cos editores de Lume Novo, enviar un mail a cucacordeiro@yahoo.com.ar
| Auspicia: |
 |
|
VOLTAR