| Entre
o 14 e o 16 de agosto, terán lugar na capital da Arxentina as Xornadas
Buenos Aires gallega: Inmigración, pasado y presente das que participarán
destacados académicos galegos e arxentinos, persoeiros da cultura,
funcionarios e protagonistas da diáspora de Galiza. Os historiadores
Xosé Manuel Núñez Seixas e Pilar Cagiao Vila, os
escritores María Rosa Lojo e Francisco X. Fernández Naval
e o lendario Antonio Pérez-Prado son só algúns dos
nomes aos que convida o programa.
"As xornadas forman parte dunha serie de actividades que rematarán
coas celebracións do Bicentenario da Revolución de Mayo
cun Congreso Internacional sobre as migracións do primeiro e segundo
Centenario", explicaron os responsables.
Os tres días de relatorios foron organizados pola Academia de Historia
da Cidade de Bos Aires, o Instituto Histórico da Cidade de Bos
Aires, e a Comisión para a Preservación do Patrimonio Histórico
Cultural da Cidade de Bos Aires, ademais dos responsables polo festexo
do Bicentenario. Ademais, colaborarán con elas o Arquivo da Emigración
Galega do Consello da Cultura Galega, a Consellaría de Cultura
e Deporte da Xunta de Galicia, a Fundación Xeito Novo e o Instituto
de Investigacións Históricas do Museo Roca.
|
Logotipo
da revista Nós por Castelao, 1920 (Fundación Vicente
Risco) |
As actividades, que terán sitio no histórico predio da Manzana
das Luces (rúa Perú 272), comezarán o día
martes 14 ás 10 da mañá co acto de inauguración.
De contado, tres mesas percorrerán a memoria da emigración
galega: ás 10.30 coa moderación do historiador Xosé
Manoel Núñez Seixas e baixo o título La inmigración
gallega en Buenos Aires en el contexto de la inmigración europea
de masas falarán os historiadores Fernando Devoto, Mª Liliana
Da Orden e Nadia De Cristóforis; ás 15 será o momento
de escoitar ao expertos Núñez Seixas, Ruy Farías,
Andrea Reguera e Jesús Mira Moure na mesa Entre changadores y empresarios:
Inserción socioprofesional de los gallegos en Buenos Aires; e no
remate do día será a quenda das galegas na mesa titulada
De viudas de vivos a emigrantes: Las mujeres gallegas en Buenos Aires
da que formarán parte a historiadora galega Pilar Cagiao Vila,
a emigrada compostelá María Rosa Iglesias e Manuel González.
Ese mesmo martes será presentada a reedición do mítico
libro de Antonio Pérez-Prado Los gallegos y Buenos Aires. A tarefa
quedarán nas mans do subdirector xeral de Creación e Difusión
Cultural da Xunta, Xosé Francisco Fernández Naval, e o presidente
do Consello da Cultura Galega, Ramón Villares Paz.
Para o mércores está prevista a reflexión sobre a
cultura en tres mesas que percorrerán o pasado e o presente da
galeguidade na diáspora arxentina. Ás 9 e coa moderación
do historiador Ruy Farías a mesa Los inmigrantes gallegos en el
imaginario social y literario porteño achegará á
escritora e investigadora María Rosa Lojo, á investigadora
Marina Guidotti de Sánchez, ao célebre Antonio Pérez-Prado
(que falará dun tema polémico: os chistes de galegos) e
Fernández Naval que rescatará a relación con Galiza
dun dos máximos escritores arxentinos, Julio Cortazar. Ás
11.30 un grupo de profesionais xovens tecerán a ollada actual sobre
Galiza e a súa presencia na cidade de Bos Aires: o profesor galego
Carlos Rodríguez Brandeiro, a licenciada en Letras Andrea Cobas
Carral, o fundador de Xeito Novo Carlos Fernández, a xornalista
Débora Campos e o profesor Adolfo Lozano Bravo compartirán
a mesa La cultura gallega en Buenos Aires: Pasado y presente. O día
rematará cunha radiografía sobre a presenza dos galegos
na cultura arxentina a través dos traballos de Carina Frid, Mariela
Tilve Rouco e Silvia Dolinko.
O xoves será o último día e nel as institucións
da colectividade galega serán protagonistas. O historiador Ramón
Villares coordinará a mesa na que falarán os historiadores
Hernán Díaz, Alejandro Fernández e Rita Molinos,
ademáis do funcionario Gastón Santos Juan. De contado, a
tarefa será imaxinar: baixo o título Imaginar Galicia desde
el Río de la Plata e coa moderación da experta Pilar Cagiao
Vila, expondrán Marcelo Garabedian, Ramón Villares e Hugo
Biagini. No remate do día, a discriminación será
o doloroso asunto a tratar por Roberto Benencia, Núñez Seixas
e o poeta Rodolfo Alonso.
O programa completo das xornadas e máis información poden
atoparse na páxina http://www.buenosairesgallega.blogspot.com
ou no enderezo electrónico
galiciaenbuenosaires@gmail.com
|
VOLTAR