Loitar por un, por un, por un,
"cada quén é cada é",
porque eu sou eu, único e irrepetible,
lindo, para alegrar ós outros.

Hai tanto que facer; ¿qué fago eu?.

As pequenas traicións de tódolos días …
Un remata sendo a sombra do que foi.

Cada día alguén se esforza por foder.
Cada día alguén deixa que o fodan.

Sociedade cobarde, tremendamente cobarde:
Os ideais, a patria, a ética: ¿ulos?.

Perderemos, irremediablemente perderemos.

Agora as grandes empresas responsables das inxusticias
Van contar cunha nova arma de destrucción masiva: os Certificados de Responsabilidade Social.

A subversión dos valores é maquinada.

Os poucos con seso consentimos.
O resto, masa: cabecitas negras.
Ó cabo, no mundo manda quen tén que mandar:
O que se esforza.

Ti, sí, ti, preguiceiro, sigue así,
Pero non se te ocorra ir despois pedir axuda:
Acabáronse os tempos da caridade cristiá.
Teño gañas de partirte a cara. ¡Imbécil!

Perderedes, sí, vós perderedes, ¡EU NON PENSO!

Firma: un Humano Consciente dos Abusos,
ou, se queredes,
Humberto Creus Andrade.